බ්රිතාන්යයේ ජාතික සෞඛ්ය සේවා (NHS) රුධිර පාරවිලයන සහ බද්ධ කිරීමේ අංශය විසින් නිකුත් කළ නිවේදනයක දැක්වෙන්නේ රුධිර පාරවිලයනය සඳහා පැමිණෙන පුද්ගලයින් පිරිමි සමඟ ලිංගිකව හැසිරෙන පිරිමින් යැයි හඳුනා ගන්නේ නම් පාරවිලයනට පෙර සිදුකරන මූලික පරීක්ෂා වලදී ඔවුන් ඉවත් නොකරන ලෙසටයි.
ඒ අනුව, ඔවුන්ගේ ස්ත්රී-පුරුෂ සමාජභාවය මත පදනම් නොවී ලිංගික සක්රියතාව සහ මෑත කාලීනව පැවැත්වූ ලිංගික සබඳතා මත පදනම්ව පමණක් රුධිර පාරවිලයනයට සුදුසු ද නැත් ද යන්න පුරෝකථනය කරන ලෙසට NHS රුධිර පාරවිලයන සහ බද්ධ කිරීමේ අංශය සියළු සෞඛ්ය අංශ වලින් ඉල්ලා සිටී.
ඒ අනුව, සමරිසි සහ ද්වීරිසි අනන්යතාවයක් දරන පිරිමින්ට පාරවිලයනයට පෙර මාස තුනක ඉතිහාසය තුළ එක් ලිංගික සහකරුවකු පමණක් සිටියේ නම් පාරවිලයනයට සුදුසු බවට තීරණය කරනු ලබයි.
මීට ඉහත බ්රිතාන්යයේ ජාතික එච්අයිවී/ඒඩ්ස් වැඩසටහන තුළ රුධිරය පරිත්යාග කිරීම පිරිමින් සමඟ ලිංගිකව හැසිරෙන පිරිමින් හට සම්පූර්ණයෙන් තහනම් කොට තිබිණි. ඒ බ්රිතාන්යය තුළ පැවති ඒඩ්ස් වසංගත තත්ත්වය සමඟ බොහෝ අවස්ථාවන් හීදී එච්අයිවී ව්යාප්ත වීමේ රටාවන් MSM ප්රජාවන් අතර සුලභව දක්නට තිබූ පසුබිමක් තුළය.
මෙම තහනම 2011 වර්ෂයේදී යම් සංශෝධනයකට ලක්වූ අතර, එමඟින් සමරිසි සහ ද්වීරිසි පරිමින් හට ගතවූ මාස 12 තුළ කිසිදු ලිංගික සබඳතාවයක් පවත්වා නොමැති නම් පමණක් රුධිරය පරිත්යාග කිරීමට අවසර ලබා දී තිබිණි. එම ප්රතිපත්තිය 2017 වර්ෂයේදී නැවත වරක් සංශෝධනය වූ අතර, එමඟින් පිරිමින් සමඟ ලිංගිකව හැසිරෙන පිරිමින් ගතවූ මාස තුනක කාලය තුළ කිසිදු ලිංගික හැසිරීමක් දක්වා නොමැති නම් රුධිරය පරිත්යාග කිරීමට හැකි තත්ත්වය දක්වා ලිහිල් විය. එහෙත් මෙහිදී ද මුළු ජීවිත කාලය තුළම එක් සහකරුවකු සමඟ පමණක් ගත කළ (monogamous) ලිංගිකව සක්රිය MSM පිරිමින් හට ද රුධිරය පරිත්යාග කිරීමට තහංචි පැනවී තිබිණි.
ඒ අනුව විවිධත්වයට ගරු කරන තවත් එක් පියවරක් ඉදිරියට තබමින් ඊයේ (14) දින බ්රිතාන්යය විසින් ගනු ලැබූ මෙම තීන්දුව හරහා MSM ප්රජාවන්ට රුධිරය පරිත්යාග කිරීම සඳහා ඇති අයිතිය තවදුරටත් තහවුරු කරන ලදී.
MSM යනු බොහෝ රටවල ජාතික ලිංගාශ්රිත රෝග මර්දන වැඩසටහන් නිර්දේශපාලනික (depoliticisation) කිරීමේ අරමුණින් යුතුව භාවිතා කරනු ලබන වෛද්ය විද්යාත්මක පදයකි. මෙම කාණ්ඩය තුළින් පුරුෂ පාර්ශවය සමඟ ලිංගිකව හැසිරෙන ඕනෑම පුරුෂයකු සැලකිය හැකි අතර, එය සමරිසි හෝ ද්වීරිසි පිරිමින් හට සීමා නොවේ. මෙම කාණ්ඩයන් තුළ විෂමරිසි හෙවත් හෙටෙරොසෙක්ෂුවල් පිරිමින් පවා සිටිය හැකිය.
බොහෝ රට වල ජාතික ලිංගාශ්රිත රෝග නිවාරණ වැඩසටහන් තුළ MSM යනු එච්අයිවී වැනි ආසාදන සඳහා අධිඅවදානමක් සහිත ප්රජාවක් ලෙසට සලකනු ලබයි. මීට පදනම වී තිබෙන්නේ ඔවුන්ගේ ලිංගික සක්රියභාවය සහ ලිංගික චර්යාවන්ගේ ස්වභාවයන් ය. කෙසේවෙතත්, ලිංගික සක්රියභාවය සහ විවිධ ලිංගික චර්යාවන් ආකාර දැක්වීම මත පුරුෂයින් සමඟ ලිංගිකව හැසිරෙන පුරුෂයින් පමණක් මෙසේ කාණ්ඩ කළ හැකිද යන්න පිළිබඳව මතභේදාත්මක තත්ත්වයක් පවතී.
MSM පුද්ගල කාණ්ඩ අතර සිදුවන අවදානම් සහගත ලිංගික ක්රියාවන් හේතුවෙන් එච්අයිවී ඇතුළු ලිංගිකව සම්ප්රේශණය වන ආසාදන ව්යාප්ත වීමේ වැඩි අවදානමක් ඇතිය යන පදනම මත සමරිසි ප්රජාව කෙරේ විශාල වශයෙන් වෙනස්කොට සැලකීම් සහ කොන්කොට සැලකීම් බොහෝ රටවල සිදුවේ. සමරිසි ප්රජාව, සහ පොදුවේ එල්ජීබීටී ප්රජාව ඉලක්ක කරගත් අපකිර්තිය ප්රවර්ධනය කිරීමෙහි ලා මෙම කරුණ යොදා ගැනීමට ඇතැම් පාර්ශව කටයුතු කරන බවටයි මානව හිමිකම් ක්ෂේත්රයේ ක්රියාකාරීන් පෙන්වා දෙන්නේ.
රුසියාව යුක්රේන ජනපති අත්යවශ්ය අපරාධකරුවන්ගේ ලැයිස්තුවට ඇතුළත් කර, ඔහුට එරෙහිව නඩුවක් ද ගොනු කර ඇති…
සහන කණ්ඩායම් සදහන් කරන්නේ,පුද්ගලයින් 67 දෙනෙකු අතුරුදන් බවයි.
කම්කරු පක්ෂයේ ජය තහවුරු කළ ප්රබල අවස්ථාවක්
ඊශ්රායල් ප්රහාර වලින් පලා ගිය මිලියන 1.4කට වැඩි පලස්තීන ජාතිකයන් පිරිසක් රෆාහි ආහාර, ජලය, ඖෂධ…
ආපදා කළමනාකරණ ඒජන්සිය පවසන්නේ, ධාරානිපාත වර්ෂාව හේතුවෙන් පුද්ගලයින් 115 දෙනෙකු ප්රදේශයෙන් ඉවත් කර ඇති අතර…
එක්සත් ජනපදය ප්රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්රහාර එල්ල…
විරෝධතාකරුවන් පාගමන් හා වෙනත් ක්රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්ය වලින් නැවත නැවතත් ඉල්ලා තිබුණේ, ප්රචණ්ඩත්වයෙන් සහ…
විශේෂත්වය වන්නේ ඡන්දය ප්රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්ර කඳවුරු පිහිටුවීම චීනයේ…
ඊශ්රායල අගමැති බෙන්ජමින් නෙතන්යාහු ප්රතිචාර වශයෙන් දියත් කළ මිලිටරි ප්රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්යයින් ලක්ෂ ගණනක් මිය…