චීනය සමඟ එක්ව සිය ණය ප්රතිව්යූහගත කිරීමට ඉක්වදෝරය චීනය සමඟ ගිවිසුම්ගත වූයේ ඉකුත් සැප්තැම්බර් 20 වන දින ය.
ඒ මත, 2025 වර්ෂය වනතුරු ඇමරිකානු ඩොලර් බිලියන 1.4 ක ණය සහනයක් ඉක්වදෝරයට ලබා දීමට චීනය එකඟ විය.
ඉකුත් දශකයක පමණ කාලය පුරාවට ඉක්වදෝරයේ ප්රධාන මූල්ය සහකරු වූයේ චීනය වන අතර, මෙම ණය ප්රතිව්යූහගත කිරීම චීන බැංකු ඔස්සේ සිදුවන බව එරට රජය නිවේදනය කළේය.
ඉක්වදෝරය මුහුණ දී ඇති ආර්ථික අර්බුදය හමුවේ චීනය සමඟ ණය ප්රතිව්යූහගත කිරීමට අපේක්ෂා කරන බවට එරට වත්මන් ජනපති ගිලෙර්මෝ ලසෝ මහතා පැවසුවේ ඉකුත් පෙබරවාරි මාසයේ වන අතර, දිගු කාලීන තෙල් අලෙවිය සඳහා චීනයේ බීජිං අගනුවර සමඟ ගිවිසුම්ගත වීමට අපේක්ෂා කරන බව ද පවසා තිබිණි.
මීට අදාළව දෙරට අතර සාකච්ඡා පැවැත්වූයේ ඔහුගේ පූර්වගාමියා වූ හිටපු ජනපති රෆායෙල් කොරියාගේ පාලන සමයේදී ය.
ඒ අනුව, චීන සංවර්ධන බැංකුව (China Development Bank: CHDB) සහ චීන අපනයන-ආනයන බැංකුව (Export-Import Bank of China: Eximbank) යන බැංකු දෙකම සමඟ ඇමරිකානු ඩොලර් බිලියන 1.4 සහ ඇමරිකානු ඩොලර් බිලියන 1.8 ක ණය ලබා ගැනීමට ඉක්වදෝරය දැන් ගිවිසුම්ගත වී ඇත.
මෙමඟින් ආර්ථික අර්බුදය හමුවේ ඉක්වදෝරයේ ණය කල්පිරීම දීර්ඝ කිරීම සහ ක්රමක්ෂය අඩු කිරීම අපේක්ෂා කෙරේ.
චීන සංවර්ධන බැංකුවේ ණය හරහා ණය කල්පිරීම 2027 වර්ෂය දක්වාත් චීන අපනයන-ආනයන බැංකුවේ ණය හරහා ණය කල්පිරීම 2032 වර්ෂය දක්වාත් දීර්ඝකර ගැනීමට ඉක්වදෝරය සමත් වූ අතර, මෙමඟින් එරට රජයේ ප්රමුඛතා සපුරා ගැනීමට හැකිවනු ඇති බව එරට ජනාධිපති මාධ්ය අංශය පවසා තිබිණි.
තවද, ඇතැම් ණයවලට අදාළ පොලී අනුපාතික අවම කර ගැනීමට සහ සියලු ක්රමක්ෂ මාස 06 ක සහන කාලයකට අත්හිටුවීමට චීන අපනයන-ආනයන බැංකුවේ සහාය ලබා ගැනීමට ඉක්වදෝරය සමත්ව තිබේ.
2021 මැයි මස බලයට පත්වූ ගිලෙර්මෝ ලසෝ මහතා ඉක්වදෝරයේ කඩා වැටුණු ආර්ථිකය යළි නඟා සිටුවීමට බහුපාර්ශ්වික සංවිධාන කිහිපයක් සමඟම සාකච්ඡා පැවැත්වූ අතර, එම සාකච්ඡාවල සාර්ථකභාවය හේතුවෙන් එකී සංවිධාන ඉක්වදෝරයට මූල්ය සහාය සැපයීමට එඟකතාවය පළ කර තිබේ.
තව ද, ජාත්යනත්ර මූල්ය අරමුදල සමඟ ඇමරිකානු ඩොලර් බිලියන 6.5 ක ණය එකඟතාවයකට එළඹීමට ද වත්මන් ඉක්වදෝර ජනපතිවරයා සමත් වූ අතර, එම එකඟතාවය 2022 වසර අවසානයත් සමඟ අවසන් වේ.
ඉක්වදෝරය සහ චීනය අතර ඇති එකඟතා අතර, තෙල් ලබා ගැනීමට සමඟාමීව චීන තෙල් සමාගමක් වන සීඑන්පීසී (CNPC) වෙත යම් යම් අපනයන නිදහස් කිරීම ද ඇතුළත් වන අතර, ඉක්වදෝරයට නිශ්චිත නොවන තෙල් ප්රමාණයක් වෙළඳපොල මිලට විකිණීමට මින් ඉඩ සලසා දී ඇත.
ඉක්වදෝර රජයට අයත් බලශක්ති සමාගමක් වන පෙට්රොඉක්වදෝර් (Petroecuador) චීන බලශක්ති සමාගම වන පෙට්රොචයිනා (Petrochina) සමඟ ගිවිසුම්ගත වී ඇති අතර, මෙමඟින් බොරතෙල් ආනයනය ද සිදුවෙයි.
තම මිත්ර රාජ්ය සමඟ ණය ගිවිසුම් වලට එළඹීමේදී එකඟවන කොන්දේසි මොනවාද යන්න හෙළිදරව් නොකිරීම සම්බන්ධයෙන් චීනය විශාල ප්රසිද්ධියක් දරනු ලබයි.
මේ අතර, අප ජීවත්වන ශ්රී ලංකාව ද මතුව ඇති දරුණු ආර්ථික අර්බුදය හමුවේ ණය ප්රතිව්යූහගත කිරීම සම්බන්ධයෙන් චීනයේ සහාය පතමින් සිටී. මීට අදාළව ජපාන රජය විසින් ද මීට දින දෙකකට ඉහත දී (සැප්. 30) පවසා සිටියේ ශ්රී ලංකාවේ ණය අර්බුදය විසඳීමට ජපාන රජයේ ‘කොටස ඉටුකිරීමට’ සූදානම් මුත්, චීනය, ඉන්දියාව ඇතුළු අනෙකුත් ණයහිමි රාජ්යවල සහයෝගය ලබා ගැනීමට ශ්රී ලංකාව විසින්ම කටයුතු කළ යුතු බවයි.
ඡායාරූප: රොයිටර්
පෙන්ටගනයේ නව මිලිටරි ආධාර පැකේජය හරහා යුක්රේනයේ පතරොම් නිෂ්පාදනය ආරම්භ කිරීමට සැළසුම් කරයි.
කෙසේවෙතත් තුවාලකරුවන් හෝ මරණ සම්බන්ධයෙන් මෙතෙක් වාර්තා වී නොමැති අතර ප්රහාරය පිළිබඳ පරීක්ෂණ පවත්වන බව…
තායිවාන බලධාරීන් සඳහන් කර ඇත්තේ, භූකම්පනය තායිපේ අගනුවරට ද දැනී ඇති බව සඳහන් වන අතර…
ගාසා තීරයේ ඛාන් යූනිස්, රෆා හා නුසෙයිරාට් සරණාගත කඳවුරට මෙම ප්රහාර එල්ල වී ඇත.
එල්නිනෝ කාලගුණ රටාවත් සමඟ ගංවතුර තත්වයන්ද උග්ර වී තිබේ.
අනෙකුත් රටවල අභ්යන්තර කටයුතුවලට මැදිහත් නොවීම පිළිබඳ මූලධර්මය මත පදනම්ව, බීජිං එක්සත් ජනපද මැතිවරනවලට මැදිහත්…
සටහන - නිපුනි ලියනගේ අප්රේල් 26 , ලෝකය (අවුට්බවුන්ඩ් ටුඩේ): අප්රේල් 27 වැනිදා ආරම්භ වන…
ගෙවුණු සතිය තුළ නිකුත් වූ ලෝක කාලගුණ විද්යා වාර්තාවකට අනුව 2023 දී කාලගුණය, දේශගුණය සහ…
දෙරට ඇති සම්බ්නධතා වල දියුණුව මෑත කාලින බාධා කිරීම් හෙතුවෙන් අනතුරට ලක්ව ඇති බවත්, චීනයේ…
විදෙස් මාධ්ය වැඩිදුරටත් වාර්තා කළේ, සිය මාධ්ය ආවරණය කටයුතු අතරතුර අවානි ඩයස් වීසා නීති උල්ලංඝනය…
ලබන මස 10 වන දිනට යෙදී ඇති දකුණු කැලිෆෝනියා විශ්වවිද්යාලයේ උපාධි ප්රදානෝත්සවය මෙලෙස අවලංගු කර…
එක්සත් ජනපදය ඇතුළු යුරෝපා බලවතුන් ප්රාණ ඇපකරුවන් නිදහස් කරමින් යුද්ධය සමතයකට පත් කරන ලෙස හමාස්…
වර්ෂාධික කාලගුණික තත්වය ගෙතුවෙන් පුද්ගලයන් 200,000 කට වැඩි පිරිසක් පීඩාවට පත්ව ඇති අතර 51,000කට නිවාස…
සෙල්සියස් අංශක 42 දක්වා, බංග්ලාදේශයේ සමහර ප්රදේශවල උෂ්ණත්වය මේ වන විට ඉහළ ගොස් තිබෙන බව…
සිය ගනනක් සිසුන්ට පන්ති තහනම් කිරීම් හා අත්අඩංගුවට ගැනීම් වලට තුඩු දී තිබේ.