උතුරු කොරියානු නායකයා නැවත චීනයට

සිය වසර 6 ක ධුර කාලය තුළ 2018 වසර වන තෙක් කිසිදු චීන සබඳතාවක්, උතුරු කොරියානු නායක කිම් ජොන් උන් විසින් පවත්වාගත්තේ නැත. නමුත් 2018 වසරේදී ඔහු 3 වතාවක් චීනයේ සංචාරය කළේය.

මෙවර සංචාරය, ඔහු විසින් කලින්‍ නොදන්වා පැමිණි එකක් බව ද විදෙස් වාර්තා සඳහන් කරයි. කෙසේ නමුත් චීන ජනාධිපති ෂී ජින්පින් (Xi Jinping) ඔහුව උණුසුම් ලෙස පිළිගත් බව වාර්තා වේ.

කිම් ජොන් උන් චීනයට පිවිසෙන ඩැන්ගොන්ග් දේශසීමා නගරයේ මෙම පැමිණීමත් සමග රැකවල් තර කර තිබේ.

දේශසීමාවට මුහුණ ලා තිබෙන හෝටල් කාමර ද අමුත්තන්ට මේ වන විට තහනම් කලාපයක් බවට පත් කර ඇත.

මෙවර සංචාරය සඳහා ඔහුගේ භාර්යාව රි සොල්-ජු (Ri Sol-ju) ද එක්වී සිටියි. මෙවර සංචාරය දින 3 කි.

මේ අතර, ඇමරිකානු ජනපති ඩොනල්ඩ් ට්‍රම්ප් ව නැවත හමුවීම සඳහා ද උතුරු කොරියානු නායකයා මේ දිනවල සාකච්ඡා පවත්වමින් සිටින බව වාර්තා වේ.

ප්‍රධාන ඡායාරූපය : EPA