2009 වර්ෂයේදී පිලිපීනයේ මැගින්ඩනාඕ ප්රාන්තයේදී සිදුවූ සමූහ ඝාතන සිදුවීමකට අදාල පුද්ගලයින් වරදකරුවන් ලෙස එරට අධිකරණයක් විසින් තීන්දු කොට තිබේ.
මැගින්ඩනාඕ සංහාරය (Maguindanao Massacre) නමින් ප්රසිද්ධ මෙම සිදුවීම දේශපාලන අරමුණු මත පුද්ගලයින් 57 දෙනෙකු ඝාතනයට ලක්වීම හා සම්බන්ධ වේ. එය එරට ඉතිහාසයේ වාර්තා වූ සාහසිකම සමූල මිනිස් ඝාතනය හා දරුණුතම මැතිවරණ ප්රචණ්ඩ ක්රියාව බවට වාර්තා වී තිබිණි.
පිලිපීනයේ මැනිලා අගනුවර ප්රධාන අධිකරණයෙන් ලබා දුන් තීන්දුවක් පරිදි 2009 වර්ෂයේ දකුණුදිග මැගින්ඩනාවෝ ප්රාන්තයේදී දේශපාලන අරමුණු මත ප්රතිවාදියකු ගේ රථයකට පහර දී පුද්ගලයින් 57 දෙනෙකු ඝාතනය කිරීමේ සිදුවීමට අදාල මහමොලකරුවන් වශයෙන් එරට ප්රභල දේශපාලනික පවුලක් වන අම්පටුවාන් පවුලේ සාමාජිකයින් වරදකරුවන් ලෙස හඳුනා ගෙන තිබේ.
මෙම සමූල ඝාතනය තුළ මරණයට පත්වූ පුද්ගලයින් 32 දෙනෙකු ම මාධ්යවේදීන් බව වාර්තා වේ.
දූෂණය, ප්රචණ්ඩත්වය හා බිය වැද්දීම් තුළින් පාලන බලය තහවුරු කර ගන්නා රටක් බවට ප්රසිද්ධ පිලිපීනයේ මෙකී අම්පටුවාන් පවුලේ පරම්පරා තුනක සාමාජිකයින් මෙම සමූල ඝාතනයට අදාල විත්තිකරුවන් අතරේ සිටින බවට විදෙස් මාධ්ය වාර්තා කරයි. අදාල සිදුවීමට අදාල විත්තිකරුවන් 101 දෙනෙකු නම් කොට තිබේ.
මැගින්ඩනාඕ ප්රාන්තයේ පළාත් පාලන මැතිවරණය පාදක කොට ගනිමින් සිදුවූ මෙම ප්රචණ්ඩ ක්රියාව තුළ සිය ප්රතිවාදී දේශපාලන පක්ෂ සාමාජිකයකු ගමන් ගත් රථයකට සැඟවී සිට පහර දීමට කටයුතු කළ බවට එකී පවුලේ පරම්පරා තුනක සාමාජිකයින් 12 දෙනෙකුට එරෙහිව චෝදනා ගොනුවී තිබිණි. සිදුවීම අවසන් වූයේ මහා ලේ විලක් කැමරා කාචයේ සටහන් කරමින් බව එකළ විදෙස් මාධ්ය වාර්තා කර තිබිණි.
පහර දීම තුළ වෙඩි තැබීමක් සිදුවී ඇති අතර, ඉන් මරණයට පත් වූ පිරිස අතර, ප්රතිවාදී දේශපාලන අපේක්ෂකයාගේ බිරිඳ, ඥාතීන්, නීතීඥයින් හා මාධ්යවේදීන් සිටි බවට වාර්තා වේ. පහර දීමෙන් මරණයට පත්වූ පුද්ගලයින් හා රථය පොළවේ වල දමා තිබූ ආකාරයද වාර්තා වී තිබිණි. සිදුවීමට අදාල සැකකරුවන් 197 දෙනෙකු නම්කර තිබුණු අතර ඔවුන් ගෙන් 80 දෙනෙකු ම පලා ගොස් ඇති බව වාර්තා වී තිබිණි. නඩුවට අදාලව සාක්ෂිකරුවන් 357 දෙනෙකු ඉදිරිපත් වී තිබිණි. අම්පටුවාන් පවුලේ කුලදෙටු ඇන්ඩල් අම්පටුවාන් 2015 වර්ෂයේදී හෘදයාබාධයකින් මිය ගිය බවද වාර්තා වේ.
මේ වන විට අම්පටුවාන් පවුලේ සත් දෙනෙකු වරදකරුවන් ලෙස නම් කොට ඇති අතර තවත් සැකකරුවන් කිහිප දෙනෙකුම තීන්දුවක් ලැබෙන තුරු අධිකරණය හමුවේ පෙනී සිටින බවට වාර්තාවේ. මෙම සමූල ඝාතනයට වග කිව යුතු සියළු පාර්ශව නීතිය ඉදිරියට ගෙන ඒමට පිලිපීනය කටයුතු කරන්නේ නම්, එය පිලිපීනයේ ගරා වැටුණු ප්රජාතන්ත්රවාදය යළි පණ ගැන්වීමක් වනු ඇති බවට නීති විශාරදයෝ පෙන්වා දෙති.
කෙසේ වෙතත්, එරට අධිකරණය මේ සම්බන්ධව ප්රගතිශීලී තීන්දුවක් මේ වන විට ලබා දී තිබීම පැසසිය යුතු කරුණකි.
මේ මස මුලදී, කෙන්යාවේ කාලගුණ විද්යා දෙපාර්තමේන්තුව අනතුරු අඟවා තිබුණේ, මැයි මාසය දක්වා රටේ විවිධ…
සටහන - නිපුනි ලියනගේ අප්රේල් 29 , ලෝකය (අවුට්බවුන්ඩ් ටුඩේ): ශීත කළ පීසා වර්ග භාවිතයෙන්…
සටහන - නිපුනි ලියනගේ අප්රේල් 29 , ලෝකය (අවුට්බවුන්ඩ් ටුඩේ): වයස නිකන්ම නිකන් ඉලක්කමක් විතරයි…
අහමදාබාද් නියෝජ්ය පොලිස්පතිවරයා ඉන්දීය මාධ්යට පවසා ඇත්තේ, මෙවැනි මත්ද්රව්ය තොගයක් අත්අඩංගුවට ගැනීම සම්බන්ධයෙන් සතුටට පත්වන…
ඊශ්රායල අමාත්ය මණ්ඩලය අනතුරු අඟවා ඇත්තේ, සටන් විරාමයකට එකඟ වුවහොත් අගමැති බෙන්ජමින් නෙතන්යාහුගේ රජය බිඳ…
වෙළඳපොලේ ඇති සුඛෝපභෝගී පුද්ගලික ජෙට් එකක් කුලියට ගැනීම සඳහා බදු ගෙවන්නන්ගේ වියදමින් පවුම් ලක්ෂ ගණන්…
සිද්ධිය සම්බන්ධයෙන් පුළුල් විමර්ශනයක් ක්රියාත්මකයි.
දැනට ලෝකය දැවැන්ත විපර්යාසයකට මුහුණ දෙමින් සිටින අතර ජාත්යන්තර තත්ත්වය ද ඉතා සංකීර්ණ වන අතාර,…
නැගෙනහිර බෑග්ඩෑඩ්හි පිහිටි ඇගේ නිවස ආසන්නයේදී වෙඩි තබා ඇයව මෙලෙස ඝාතනය කර ඇති බව විදෙස්…
1994 වසරේදී පළමු මැතිවරණයෙන් කලින් තහනම් කරන ලද අප්රිකානු ජාතික කොන්ග්රසය (ANC) පක්ෂය අතිමහත් ලෙස…
මේ අතර ඊශ්රායලය හා හමාස් සංවිධානය අතර සටන් විරාමයක් ක්රියාත්මක කිරීම සම්බන්ධයෙන් පැවැත්වෙන සාකච්ඡා සඳහා…
ගෝලීය ආර්ථිකයට ඉහළම දායකයින් පස්දෙනා අතර චීනය, ජර්මනිය (2.77%), රුසියාව (2.71%) සහ බ්රසීලය (2.19%) ඇතුළත්…
මෙම ඛේදජනක අනතුර සිදුවී වසර 112කට පසුවත් ඒ වෙනුවෙන් ඇති ඉල්ලුම සුළුපටු නොවේ.
මෙම පිපිරිම හේතුවෙන් ගොඩනැගිලි හතරක් හමුදා වාහන කිහිපයකට හානි සිදුවී ඇති අතර ගම්වාසීන්ගේ නිවාස 25ක්…
පෙන්ටගනයේ නව මිලිටරි ආධාර පැකේජය හරහා යුක්රේනයේ පතරොම් නිෂ්පාදනය ආරම්භ කිරීමට සැළසුම් කරයි.