දේශගුණික විපර්යාස හේතුවෙන් දකුණු ආසියාවේ මිලියන 800 ක් දෙනා අවදානමට ලක් වන බව අලුත්ම ලෝක බැංකු වාර්තාවක් හෙළි කරන අතර, ඉහළම අවදානම සහිත රටවල් තුන වශයෙන් එහිදී හඳුනා ගැනෙන්නේ ශ්රී ලංකාව, බංග්ලාදේශය සහ ඉන්දියාව ය.
වසර 2050 වන විට මෙම අවදානම ඇති වන බව ද නවතම ලෝක බැංකු වාර්තාව මගින් පෙන්වා දෙයි.
ඉන්දියාවේ සමස්ත ජනගහනයෙන් සෑම 2 දෙනෙකුගෙන්ම එක් අයෙකුට මෙම තත්වය බලපානු ඇති අතර, වැඩිම අවදානමකට පාත්රවනු ඇත්තේ බංග්ලාදේශයයි. ශ්රී ලංකාවට ද එහි විශාල බලපෑමක් සිදුවනු ඇත. මෙම රටවල් තුන හඳුනාගෙන තිබෙන්නේ කලාපයේ දේශගුණික විපර්යාස හේතුවෙන් ‘රත් වූ තැන්‘ හෙවත් ‘hotspots‘ලෙස ය.
දේශගුණික විපර්යාස හේතුවෙන් සිදුවන වර්ෂාපතන රටා වෙනස් වීම සහ උණුසුම ඉහළ යාම, කලාපයේ දළ දේශීය ආදායම් පහළ හෙළීමට ද ප්රබල හේතුවක් වනු ඇත.
මේ අනුව වසර 2050 වන විට බංග්ලාදේශයේ වාර්ෂික දළ දේශීය නිෂ්පාදනය 14.4%කින් පහළ යනු ඇතැයි අපේක්ෂිත ය. පරිසරයේ කාබනික වායු ඉහළ යාම එයට බලපාන ප්රධාන වායුගෝලීය තත්වය වනු ඇත. මේ අතර ඉන්දියාවේ දළ දේශීය නිෂ්පාදනයෙන් 9.8% ක්ද, ශ්රී ලංකාවේ දළ දේශීය නිෂ්පාදනයෙන් 10% ක් ද දේශගුණික වෙනස්කම් හේතුවෙන් අහිමි වනු ඇත.
ඉන්දියාවේ කෘෂිකර්මාන්තයට දැවැන්ත හානියක් මෙමගින් සිදු වේ යැයි ද පැවසේ.
‘‘ඉන්දියාවේ දේශගුණික වශයෙන් ‘හොට් ස්පොට්ස්‘ වශයෙන් හඳුනා ගන්නා ස්ථානවල වසර 2050 වන විට මිලියන 600 ක ජනතාවක් ජීවත් වීමට නියමිතයි. ඔවුන්ගේ ජීවන තත්වයට මෙයින් විශාල බලපෑමක් සිදුවේවි.“ යැයි ද එම වාර්තාව සඳහන් කරයි. දේශගුණය වෙනස් වීමේ රටා අනුව ඉන්දියාවේ මධ්යම, උතුර සහ වයඹ පළාත් මෙයින් අවදානමට ලක් වනු ඇත.
පාකිස්ථානයේ කරච්චි වැනි නගරවල පවතින දැඩි උණුසුම එහි ශ්රම බලකායේ කාර්යක්ෂමතාවය සහ ඵලදායීතාවයට කැපී පෙනෙන බලපෑමක් සිදුකරනු ඇත. එසේම දැනටමත් ආසියාවේ උණුසුම් අධිකතම ස්ථාන වශයෙන් හඳුනාගෙන ඇති බටහිර ඇෆ්ගනිස්ථානය සහ ගිනිකොණදිග පාකිස්ථානය පත්වනු ඇත්තේ දැඩි අවදානම් තත්වයකට ය.
මෙම වාර්තාව පෙන්වා දෙන්නේ මෙම තත්වය වළක්වා ගැනීමට නම් යුහුසුළු ව ‘පරිසරයට සංවේදී ප්රතිපත්ති‘ හඳුන්වා දිය යුතු බවයි.
මේ අතර නේපාලය වැනි සිසිල් රටවල් වසර 2050 වන විට ද වැඩි වෙනසක් නොමැතිව ඒ අන්දමින් ම පවතිනු ඇතැයි මෙම නවතම දේශගුණික වාර්තාව පෙන්වා දෙයි.
දකුණු ආසියාවේ සාගරබද රටවලට ද මෙම දේශගුණික විපර්යාසයේ බලපෑම දැනෙනු ඇත්තේ සාගර ජල මට්ටම ඉහළ යාම හේතුවෙනි. මාලදිවයින වැනි කුඩා දූපත් රාජ්යයන් ට මෙම අවදානම ඉතා ඉහළ වේ.
කෙසේ නමුත් වසර 2050 දී මෙම තත්වය උදාවීම වළක්වා ගැනීමට තවමත් කාලය තිබෙන බව ද පැහැදිලිව මෙම වාර්තාවෙන් දැක්වේ. එනම්, 2015 පැරිස් සම්මුතියෙන් එකඟ වූ පරිදි දකුණු ආසියාතික කලාපය හරිතාගාර වායු විමෝචනය වළක්වා ගැනීමට සහ වාර්ෂික උෂ්ණත්ව ඉහළ යාම සෙල්සියස් අංශක 2 දක්වා සීමා කර ගැනීමට සමත් වන්නේ නම් එයින් ඔබට සිතාගත නොහැකි තරම් හොඳ ප්රතිඵලයක් අත් වනු ඇත. මෙම නවතම පර්යේෂණ වාර්තාවෙන් පෙන්වා දෙන පරිදි, එසේ සිදුකර ගැනීමට කලාපය සමත් වන්නේ නම්, වසර 2050 වන විට දකුණු ආසියාවේ දේශගුණික වෙනස්වීම නිසා අවදානමට ලක් වීමට නියමිත ව සිටින මිලියන 800 ක ජනගහනය, මිලියන 375 දක්වා පහළ බසිනු ඇත.
atimes.com ඇසුරෙනි.
රුසියාව යුක්රේන ජනපති අත්යවශ්ය අපරාධකරුවන්ගේ ලැයිස්තුවට ඇතුළත් කර, ඔහුට එරෙහිව නඩුවක් ද ගොනු කර ඇති…
සහන කණ්ඩායම් සදහන් කරන්නේ,පුද්ගලයින් 67 දෙනෙකු අතුරුදන් බවයි.
කම්කරු පක්ෂයේ ජය තහවුරු කළ ප්රබල අවස්ථාවක්
ඊශ්රායල් ප්රහාර වලින් පලා ගිය මිලියන 1.4කට වැඩි පලස්තීන ජාතිකයන් පිරිසක් රෆාහි ආහාර, ජලය, ඖෂධ…
ආපදා කළමනාකරණ ඒජන්සිය පවසන්නේ, ධාරානිපාත වර්ෂාව හේතුවෙන් පුද්ගලයින් 115 දෙනෙකු ප්රදේශයෙන් ඉවත් කර ඇති අතර…
එක්සත් ජනපදය ප්රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්රහාර එල්ල…
විරෝධතාකරුවන් පාගමන් හා වෙනත් ක්රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..
එක්සත් ජාතීන්ගේ මානව හිමිකම් සංවිධාන විසින් අසල්වැසි රාජ්ය වලින් නැවත නැවතත් ඉල්ලා තිබුණේ, ප්රචණ්ඩත්වයෙන් සහ…
විශේෂත්වය වන්නේ ඡන්දය ප්රකාශ කිරීම සඳහා හැඳුනුම්පත අනිවාර්ය බවට නව නීති ගෙන එනු ලැබුවේ ද…
මෙම මෙහෙයුම සාර්ථක වුවහොත් 2030 වන විට මිනිසෙකු සඳ මත තබා චන්ද්ර කඳවුරු පිහිටුවීම චීනයේ…
ඊශ්රායල අගමැති බෙන්ජමින් නෙතන්යාහු ප්රතිචාර වශයෙන් දියත් කළ මිලිටරි ප්රහාරය හිට්ලර් කළ දෙයට වඩා අඩු…
මේ පුවත වාර්තා වන්නේ, දකුණු වියට්නාමයෙන් වන අතර,ඩොං නයි පළාතේ ජලාශයක මත්ස්යයින් ලක්ෂ ගණනක් මිය…