2019 වසර සඳහා ලෝකයේ විශිෂ්ටතම ගුවන් සේවා 10

ලෝකයේ ගුවන් සේවාවන්ගේ ආරක්ෂාව සහ ඵලදායිතාවය ශ්‍රේණිගත කරන සුප්‍රකට AirlineRatings.com වෙබ් අඩවිය මගින් 2019 වසර සඳහා ලෝකයේ විශිෂ්ටතම ගුවන් සේවාවන් 10 නම් කර තිබේ.

එහි මුල් තැන හිමිව තිබනේනේ සිංගප්පූරු ගුවන් සේවය (Singapore Airlines) වෙත ය.

පිට පිට 5 වතාවක් මෙම ගෞරවය ලද නවසීලන්ත ගුවන් සේවය (Air New Zealand) වෙත මෙවර හිමි ව තිබෙන්නේ දෙවැනි තැනයි.

READ: Singapore The World’s Best Airline In 2019

සිංගප්පුරු ගුවන් සේවයේ Airbus A380 හි තිබෙන, හෝටල් කාමර සිහිගන්වන සේ සැලසුම් කර ඇති Suites මෙහිදී ජූරියේ විශේෂ අවධානය දිනාගත්තේය.

සිංගප්පූරු ගුවන් සේවිකාවන්ගේ විශිෂ්ට සේවය ද එහිදී සැලකිල්ලට ලක් විය.

නවසීලන්ත ගුවන් සේවය Best Premium Economy සහ Best Airline Pacific කාණ්ඩවල මුල් තැන දිනා තිබේ.

හොඳම කේටරින් සහ හොඳම ව්‍යාපාරික පන්තියේ පහසුකම් සහිත ගුවන් සේවය බවට පත්ව තිබෙන්නේ කටාර් ගුවන් සේවය (Qatar Airways) යි.

කටාර් ගුවන් සේවයේදී ව්‍යාපාරික ශ්‍රේණියේ ප්‍රථම පන්තියේ අත්දැකීම ලබාගත හැකි බව එයාලයින්ස්රේටින්ග් වෙබ් අඩවිය සඳහන් කරයි.

කටාර් ගුවන් සේවය විසින් එහි මගී පංති 3 වෙතම පිරිනමන කෑම බීම සත්කාර ද මෙහිදී විශේෂඥයන්ගේ අගැයුමට ලක් විය. විශේෂයෙන්ම සාමාන්‍ය මගී පන්තිය හෙවත් ඉකොනොමි ක්ලාස් හි ගමන් ගන්නා ගුවන් මගීන් හට ලෝකයේ හොඳම ගුවන් යානා කේටරින් සේවය ලබාගත හැක්කේ කටාර් එයා වේස් මගිනි.

ඔස්ට්‍රේලියාවේ ක්වන්ටාස් ගුවන් සේවය (Qantas) හොඳම ගෘහස්ථ ගුවන් සේවාව (Best Domestic Airline Service) සහ Best Lounges සඳහා විශිෂ්ටතා සම්මානය දිනාගෙන තිබේ.

හොඳම ගුවන් කාර්ය මණ්ඩලය ( Best Cabin Crew ) සිටින ගුවන් සේවය ලෙස ජය ලබා සිටින්නේ වර්ජින් ඔස්ට්‍රේලියා (Virgin Australia) ගුවන් සේවාවයි. මෙය, ඡන්ද විමසීමෙන් තේරාගනු ලබන්නකි.

මෙහිදී Economy X, Premium Economy සහ Business Class යන මගී පංති තුනම සැලකිල්ලට ලක් කර තිබේ.

මෙවර හොඳම කලාපීය ගුවන් සේවාව බවට පත්ව තිබෙන්නේ ඔස්ට්‍රේලියාවේ ක්වොන්ටාස් ලින්ක් (QantasLink) ය.

Best Inflight Entertainment, Best Long-Haul Middle East සමග ලෝකයේ හොඳම ගුවන් සේවා 10 අතරට එක් වී තිබෙන්නේ එමිරේට්ස් ගුවන් සේවයයි.

ලෝකයේ හොඳම – වැඩිදියුණු කළ ගුවන් සේවය බවට පිලිපීන ගුවන් සේවය (Philippines Airlines) පත්ව තිබේ.

පිට පිට දෙවන වර්ෂයටත්, ලෝකයේ අතිශය අඩු වියදම්, හොඳම ගුවන් සේවාව බවට පත්ව තිබෙන්නේ වියට්ජෙට්එයා ( VietJetAir) නමැති වියට්නාම් ගුවන් සේවයයි. අන්තර්ජාතික ගුවන් සේවාවක් වන මෙහි ව්‍යාපාරික පන්තියේ විශිෂ්ටත්වය මෙම ජයග්‍රහණය ලබාගැනීමට හේතු වී තිබේ.

මෙහි අලෙවි සැලසුම පමණක් නොව, ස්මාට් බිස්නස් ප්ලෑන් එකක් වශයෙන් ලොව පුරා මිලියන ගණනකට අඩු වියදම් සේවාවක් සැපයීම සම්බන්ධයෙන් ද මෙම වියට්නාම් බජට් ගුවන් සේවය ලොව පුරා ප්‍රශංසාවට ලක්ව තිබේ.

දීර්ඝ ගුවන් ගමන් සඳහා විශිෂ්ටතම ගුවන් සේවාවන් බවට පත්ව තිබෙන්නේ ඇමරිකාවේ ඩෙල්ටා ගුවන් සේවය (Delta Air Lines (Americas), යුරෝපයේ ලුෆ්තන්සා ගුවන් සේවාව (Lufthansa (Europe), මැදපෙරදිග සහ අප්‍රිකාවේ එමිරේට්ස් ගුවන් සේවාව (Emirates (Middle-East/Africa) ආසියාවේ ඊවා ගුවන් සේවාව (Eva Air (Asia) සහ පැසිෆික් කලාපය සඳහා නවසීලන්ත ගුවන් සේවාව (Air New Zealand (Pacific.) වේ.

දීර්ඝ ගුවන් සේවාවන් සඳහා හොඳම අඩු වියදම් ගුවන් සේවාවන් අතරින් ඇමරිකාවේ වෙස්ට්ජෙට් (Westjet (Americas), යුරෝපයේ Wizz (Europe) සහ ආසියා පැසිෆික් කලාපයේ AirAsia / AirAsia X (Asia/Pacific) ගුවන් සේවාවන් තේරී තිබේ.

මේ අනුව AirlineRaings.com විසින් 2019 වසර සඳහා නිර්දේශ කරන ලෝකයේ හොඳම ගුවන් සේවාවන් 10 පහත දැක්වේ.

AirlineRatings.com‘s top 10 airlines for 2019

1. Singapore Airlines

2. Air New Zealand

3. Qantas

4. Qatar Airways

5. Virgin Australia

6. Emirates

7. All Nippon Airways

8. EVA Air

9. Cathay Pacific Airways

10. Japan Airlines