ඊජිප්තුවේ රජවරුන්ගේ නිම්නයේ කැණීම් කටයුතු සිදුකරන පුරා විද්යාඥයෝ අන්කේසෙනාමන් රැජිණගේ සොහොන් ගැබ සොයා මෙහෙයුම් අරඹති. අන්කේසෙනාමන් සැලකෙන්නේ ටුටන්කාමන් රජුගේ බිරිය හැටියටයි. එසේම ටුටන්කාමන් ඇගේ අඩ සොයුරා සහ ඥාති සොයුරා ද වූ බවට ඉතිහාසයේ කරුණු ඇත.
වඩාත් මවිතයට කාරණය, ඈ ටුටන්කාමන්ට පමණක් නොව සිය පියාටත්, සිය සීයාටත් බිරිය වූවාදැයි කියන සැකය මතු වීමය.
ටුටන්ඛාමන්ගේ අබිරහස් මරණින් පසු ඇගේ ඉරණම කෙසේ විසඳුණේද යන්න තවමත් නොපැහැදිලි බව පුරා විද්යාඥයෝ පවසති. අන්කේසෙනාමන් රැජිණ පිළිබඳ කරුණු ඉතිහාසයෙන් එක්වරම වාගේ වසන් වීමකුත් සිදුව තිබේ. එසේ වුවත් ඇගේ රුව රැගත් සිතුවම් රැසක් පසුගිය කාලයේදී සොයා ගැනිණ.
මේ කාරණා සියල්ල සැලකිල්ලට ගන්නා පුරා විද්යාඥයන් ප්රශ්න කරන්නේ අන්කේසෙනාමන්ගේ ඉරණම ශෝකාන්තයක් වීදැයි කියාය. ඊට අදාල තොරතුරු අනාවරණය කරගැනීමට නුදුරු දිනෙකදී හැකිවනු ඇති බව ඊජිප්තුවේ රජවරුන්ගේ නිම්නයේ කැණීම් කටයුතු සිදුකරන පුරා විද්යාඥයෝ පවසති.
පුරා විද්යාඥයන් රජවරුන්ගේ නිම්නයේ බටහිර දිග පෙදෙස වෙත යොමුවෙමින් මේ වනවිට කැණීම් කටයුතු ආරම්භ කර ඇති බව සඳහන් වේ. රජවරුන්ගේ නිම්නයේ බටහිරා දිග සැලකෙන්නේ කැණීම්වලට තබා කිසිදු කෙනෙකුගේ අවධානයට ලක් නොවූ පෙදෙසක් හැටියටය.
කිසිදු පුරා විද්යාඥයකුගේ අවධානයට ලක් නොවුණු රාජකීය සොහොන් සැලකිය යුතු ප්රමාණයක් එහි ඇති බව පුරා විද්යාඥයෝ මේ නිසා පෙන්වා දෙති. එ අතර යට කී අන්ඛේසෙනාමන් රැජිණගේ සොහොන් ගැබත් තිබිය හැකි බවට පුරා විද්යාඥයන් අතර සැකයක් ඇත.
ඉතිහාසයේ දැක්වෙන අන්දමට අන්කේසෙනාමන්, ක්රි.පූ. 1348දී පමණ උපත ලබා ඇත. උපතේදී ඇයට ලබා ඩි තිබෙන්නේ අන්ක්සෙන්පාටීන් නමැති නමයි. පුරාන ඊජිප්තුවේ පැවැති ආගම් අනුව ඇගේ නම අන්කේසෙනාමන් යනුවෙන් පසුව වෙනස් කරන්නට ඇත. එය බොහෝවිට සිදුවන්නට ඇත්තේ ඈ ටුටන්ඛාමන් සමඟ විවාහ වීමෙන් පසුව විය හැකිය. අන්ඛේසෙනාමන් උපත ලබා තිබෙන්නේ අකෙනාටන් නමැති පාරාවෝ රජුටත් නෙෆර්ටිටි රැජිණටත් දාව තෙවැනි දරුවා හැටියට බවට සාක්ෂි ඇත.
මේ අතර දැනට සොයාගෙන ඇති සාක්ෂිවලින් සනාථ වන්නේ ටුටන්ඛාමන්ගේත්, අන්කේසෙනාමන්ගේත් පියා එකම පුද්ගලයකු බවයි. එනම් අඛෙනාටන් මේ දෙදෙනාගේම පියාය යන්නයි. පුරා විද්යා පර්යේෂණ සහ ජාන පරීක්ෂණවලට අනුව අකෙනාටන් ඔහුගේම සොයුරියක සමඟ ද විවාහ වී තිබේ. අකෙනාටන්ගේ එම සොයුරිය, ටුටන්කාමන්ගේ මවයි. අඛෙනාටන්ගේ සොයුරිය කවරකුද යන්න තවමත් හෙළි වී නැත.
පුරාවිද්යාඥයන් “ ද යන්ගර් ලේඩි” හෙවත් “ලාබාල යුවතිය” වශයෙන් නම් කර ඇති මමිය අකේනාටන්ගේ එම සොයුරියගේ හෙවත් ටුටන්කාමන්ගේ මවගේ මමිය විය හැකි බවට සැකයකුත් පවතී.
ක්රි.පූ. 1341දී උපත ලද ටුටන්කාමන් රජකමට පත්වන්නේ ඔහුට වයස අවුරුදු නවයේදී පමණය. රජු බවට පත්වීමෙන් පසු ටුටන්කාමන්ගේ විවාහය සිදු වූ බව කිව හැකිය. අන්ක්සෙනාමන් ක්රි.පූ. 1348දී පමණ උපත ලද කෙනෙකු බැවින් ටුටන්ඛාමන් විවාහ වී තිබෙන්නේ තමන්ට වඩා වසර කිහිපයකින් වැඩිමහලු තැනැත්තියක සමඟයි. ටුටන්ඛාමන්ගේ රාජ්ය පාලන කාලය වසර නවයක් තරම් ය. වයස අවුරුදු 18 පමණ වනවිට ඔහු අබිරහස් ලෙස ජීවිතක්ෂයට පත් වේ.
ඉතිහාසඥයන් පවසන අන්දමට අයි නැමැත්තා සිහසුනට පැමිණෙන්නේ ටුටන්කාමන්ගේ මරණින් පසුවයි. ඔහුගේ පාලනය ක්රි.පූ. 1332 සිට ක්රි.පූ. 1327 දක්වා පැවැති බව සඳහන් වේ. මේ කාලයේදී අන්කේසෙනාමන් රැජිණ, අයි සමඟත් විවාහ වූවාද යන සැකය ඇතැම් පුරා විද්යාඥයන් තුළ ඇත. එකී කාරණා ගැන විමසා බලන විට අයිගේ සොහොන් ගැබ සොයා ගැනීම, අන්ක්සෙනාමන් ගැන කරුණු සොයා ගැනීමටත් රුකුලක් වනු නිසැකය. කෙසේ වුවත් අන්කේසෙනාමන් ඇගේම පියා හෝ ඇගේම සීයා සමඟ විවාහ වූයේ ටුටන්ඛාමන්ගේ මරණින් පසුව යන්න සමහර පුරා විද්යාඥයන්ගේ මතය වී තිබෙන බවට් මෙහිදී අමතක කළ නොහැකිය.
“ … අයිගේ සොහොන ආසන්නයටම දැන් අපි පැමිණිලා ඉන්නවා. ඒ නිසා එහි කැණීම් කටයුතු ආරම්භ කරන්න පුළුවන් වෙයි. රේඩාර් ස්කෑන් මගින් ලබාගත් දත්ත අනුව යිගේ සොහොනට ඇතුළු විය හැකි ස්ථානය නිර්ණය කරලා තිබෙන්නේ. එය පොළොව මට්ටමෙන් අඩි 16ක් පමණ යටින් තිබෙන්නේ. …” යැයි පුරා විද්යාඥ සාහි හවාස් පවසයි.
අන්කේසෙනාමන්ගේ නම ප්රකට වන්නේ ටුටන්කාමන්ගේ නම කරලියට පැමිණීමත් සමඟය. ටුටන්කාමන් මෙපමණ ජනප්රිය වන්නේ 1922දී ඔහුගේ සොහොන සොයා ගැනීමත් ඔහුට අත් වූ ඉරණම පිළිබඳව පුළුල් වශයෙන් පර්යේෂණ ආරම්භවීමත් නිසයි.
ගෝලීය ආර්ථිකයට ඉහළම දායකයින් පස්දෙනා අතර චීනය, ජර්මනිය (2.77%), රුසියාව (2.71%) සහ බ්රසීලය (2.19%) ඇතුළත්…
මෙම ඛේදජනක අනතුර සිදුවී වසර 112කට පසුවත් ඒ වෙනුවෙන් ඇති ඉල්ලුම සුළුපටු නොවේ.
මෙම පිපිරිම හේතුවෙන් ගොඩනැගිලි හතරක් හමුදා වාහන කිහිපයකට හානි සිදුවී ඇති අතර ගම්වාසීන්ගේ නිවාස 25ක්…
පෙන්ටගනයේ නව මිලිටරි ආධාර පැකේජය හරහා යුක්රේනයේ පතරොම් නිෂ්පාදනය ආරම්භ කිරීමට සැළසුම් කරයි.
කෙසේවෙතත් තුවාලකරුවන් හෝ මරණ සම්බන්ධයෙන් මෙතෙක් වාර්තා වී නොමැති අතර ප්රහාරය පිළිබඳ පරීක්ෂණ පවත්වන බව…
තායිවාන බලධාරීන් සඳහන් කර ඇත්තේ, භූකම්පනය තායිපේ අගනුවරට ද දැනී ඇති බව සඳහන් වන අතර…
ගාසා තීරයේ ඛාන් යූනිස්, රෆා හා නුසෙයිරාට් සරණාගත කඳවුරට මෙම ප්රහාර එල්ල වී ඇත.
එල්නිනෝ කාලගුණ රටාවත් සමඟ ගංවතුර තත්වයන්ද උග්ර වී තිබේ.
අනෙකුත් රටවල අභ්යන්තර කටයුතුවලට මැදිහත් නොවීම පිළිබඳ මූලධර්මය මත පදනම්ව, බීජිං එක්සත් ජනපද මැතිවරනවලට මැදිහත්…
සටහන - නිපුනි ලියනගේ අප්රේල් 26 , ලෝකය (අවුට්බවුන්ඩ් ටුඩේ): අප්රේල් 27 වැනිදා ආරම්භ වන…
ගෙවුණු සතිය තුළ නිකුත් වූ ලෝක කාලගුණ විද්යා වාර්තාවකට අනුව 2023 දී කාලගුණය, දේශගුණය සහ…
දෙරට ඇති සම්බ්නධතා වල දියුණුව මෑත කාලින බාධා කිරීම් හෙතුවෙන් අනතුරට ලක්ව ඇති බවත්, චීනයේ…
විදෙස් මාධ්ය වැඩිදුරටත් වාර්තා කළේ, සිය මාධ්ය ආවරණය කටයුතු අතරතුර අවානි ඩයස් වීසා නීති උල්ලංඝනය…
ලබන මස 10 වන දිනට යෙදී ඇති දකුණු කැලිෆෝනියා විශ්වවිද්යාලයේ උපාධි ප්රදානෝත්සවය මෙලෙස අවලංගු කර…
එක්සත් ජනපදය ඇතුළු යුරෝපා බලවතුන් ප්රාණ ඇපකරුවන් නිදහස් කරමින් යුද්ධය සමතයකට පත් කරන ලෙස හමාස්…