පකිස්තානයේ හිටපු අග්‍රාමාත්‍ය ඉම්රාන් ඛාන් ත්‍රස්ත විරෝධී නීතිය යටතේ එල්ල කළ චෝදනා මත අත්අඩංගුවට ගැනීම වළකාලමින් එරට අධිකරණයක් විසින් තහනම් නියෝගයක් නිකුත් කර තිබේ.
ඒ අනුව, එළඹෙන සැප්තැම්බර් 01 වන දින තෙක් උක්ත චෝදනා මත ඉම්රාන් ඛාන් හිටපු අග්‍රාමාත්‍යවරයා අත්අඩංගුවට ගැනීමට එරට පොලීසියට නොහැකි වනු ඇත.
හිටපු පකිස්තාන අග්‍රාමාත්‍යවරයා ධුරයෙන් පහ කිරීමෙන් අනතුරුව පැවැත්වූ කතාවක් හරහා වෛරී ප්‍රකාශ සිදුකර ඇති බවත්, එම කතාව හරහා පොලීසිය සහ අධිකරණයට තර්ජනය කර ඇති බවත් වාර්තා විය.
මෙමඟින් ත්‍රස්ත ක්‍රියා ප්‍රවර්ධනය කිරීම සඳහා ඉම්රාන් ඛාන් හිටපු පකිස්තාන අග්‍රාමාත්‍යවරයාට චෝදනා ගොනුවිය.
ඛාන් ට සහාය දක්වන පකිස්තානුවන් අධිකරණ පරිශ්‍රයෙන් පිටත මෙන්ම පොදු ස්ථාන වල විශාල වශයෙන් එක්රැස්වී හිටපු අග්‍රාමාත්‍යවරයාට සහාය පළකරන අතර, තමා ධුරයෙන් පහකරනු ලැබුවේ එක්සත් ජනපදයේ පිටුබලය ලැදි කුමන්ත්‍රණයක ප්‍රතිඵල නිසා බවට ඛාන් විසින් ගොනුකරන චෝදනාවට සහාය පළකරනවුන් මෙසේ වීදි බැස ඇත.
පාකිස්තානයේ ඉලෙක්ට්‍රොනික මාධ්‍ය නියාමන අධිකාරිය විසින් හිටපු අග්‍රාමාත්‍යවරයාට පැනවූ තහනමක් පවා නොතකමින් ඔහු මෙසේ සජීවී වේදිකාවක තර්ජනාත්මක කතාවක් කර ඇති අතර, එය විකාශය කිරීමෙන් පසු රට තුළ යූටියුබ් ඇතුළු අන්තර්ජාල සේවා වෙත ප්‍රවේශ වීම පවා අවහිර කර තිබිණි.
ඉම්රාන් ඛාන් හිටපු පකිස්තාන අග්‍රාමාත්‍යවරයා ඉකුත් අප්‍රේල් මස බලයෙන් පහකරනු ලැබුවේ විශ්වාසභංගයක් ගෙන ඒම හරහා වන අතර, යළි බලයට පැමිණීමට ඔහු දරන ප්‍රයද්නය හමුවේ රට පුරා විශාල ජන සහභාගීත්වයකින් පවත්වන රැළි දක්නට ලැබේ.
ඛාන් ට ගොනුවී ඇති චෝදනා සම්බන්ධයෙන් ඔහු ඉකුත් දිනක මාධ්‍ය වෙත පවසා තිබුණේ තමා කිසිවකුට තර්ජනය නොකළ බවත්, තමාට එරෙහිව ගොනුකර ඇති ත්‍රස්තවාදී චෝදනා දේශපාලනික පලිගැනීමක් මත සිදුකර ඇති දෙයක් බවත් ය. එමෙන්ම වත්මන් අගමැති ෂෙහ්බාස් ෂාරිෆ් ප්‍රමුඛ රජය තමාගේ ජනප්‍රියත්වය දිනෙන් දින වර්ධනය වනු දැකීමට බිය බව ද හෙතෙම මාධ්‍ය වෙත පවසා තිබිණි.
උක්ත අධිකරණ නියෝගයට අමතරව, ඉම්රාන් ඛාන් තවත් අධිකරණයක් හමුවේ පෙනී සිටි අතර, ඒ ඉස්ලාමාබාද් හි රැස්වීම් පැවැත්වීම තහනම් කරමින් අධිකරණය පනවා තිබූ නියෝගයක් උල්ලංඝනය කිරීමේ චෝදනාව මත ය. මීට අදාළව හිටපු පකිස්තාන අග්‍රාමාත්‍යවරයාට එරෙහිව අපරාධ නඩුවක් ගොනුකර තිබූ අතර, එම නඩුවෙන් ද ඔහු අත්අඩංගුවට ගැනීමට සැප්තැම්බර් 07 වන දින දක්වා කල් දැමීම සිදුවිය.
සබැඳි ලිපි:
ඒ සදහා වූ උත්සවය මොස්කව් නුවරදී පැවැත්වී ඇත. ඔහුගේ ධුරකාලය වසර 6කි.2000 වසරේදී ඔහු පළමුවරට…
ඉන්දීය මාධ්‍ය වාර්තා කළේ, පසුගිය මාස 6ක කාලය තුළ ඇය වරින් වර ඩුබායි නුවර සංචාරය…
සටහන - නිපුනි ලියනගේ මැයි 06 , ලෝකය (අවුට්බවුන්ඩ් ටුඩේ): ටයිටැනික් සහ ලෝඩ් ඔෆ් ද…
ඊශ්‍රායලය අපකීර්තියට පත් වන ආකාරයෙන් මෙහෙයුම් සිදු කරන අල් ජසීරා නාළිකාව වසා දැමීමට කැබිනට් මණ්ඩලය…
සටහන - නිපුනි ලියනගේ මැයි 06 , ලෝකය (අවුට්බවුන්ඩ් ටුඩේ): මැඩෝනා ඉකුත් සති අන්තයේ සෙනසුරාදා…
මෙම ප්‍රහාරයෙන් තවත් කිහිප දෙනෙකුට තුවාල සිදු වූ බව ඊශ්‍රායලය පවසයි.
රුසියාව යුක්‍රේන ජනපති අත්‍යවශ්‍ය අපරාධකරුවන්ගේ ලැයිස්තුවට ඇතුළත් කර, ඔහුට එරෙහිව නඩුවක් ද ගොනු කර ඇති…
සහන කණ්ඩායම් සදහන් කරන්නේ,පුද්ගලයින් 67 දෙනෙකු අතුරුදන් බවයි.
කම්කරු පක්ෂයේ ජය තහවුරු කළ ප්‍රබල අවස්ථාවක්
ඊශ්‍රායල් ප්‍රහාර වලින් පලා ගිය මිලියන 1.4කට වැඩි පලස්තීන ජාතිකයන් පිරිසක් රෆාහි ආහාර, ජලය, ඖෂධ…
ආපදා කළමනාකරණ ඒජන්සිය පවසන්නේ, ධාරානිපාත වර්ෂාව හේතුවෙන් පුද්ගලයින් 115 දෙනෙකු ප්‍රදේශයෙන් ඉවත් කර ඇති අතර…
එක්සත් ජනපදය ප්‍රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්‍රහාර එල්ල…
විරෝධතාකරුවන් පාගමන් හා වෙනත් ක්‍රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්‍යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්‍රණවල ඉන්දියානු ඔත්තු සේවයේ වාර්තාගත භූමිකාව…