මීට දින හයකට පෙර ජෝර්ජියාවේ සමරිසි විරෝධී පාගමනක් ආවරණය කරමින් සිටි පිර්වේලි ටීවී මාධ්ය ආයතනයේ කැමරා ශිල්පියකු වූ ඇලෙක්සැන්ඩර් ලෂ්කරාවා හට මැර ප්රහාරයක් එල්ල වීමෙන් බරපතල තුවාල ලබා රෝහල් ගත කර තිබිණි.
මෙම කැමරා ශිල්පියා පසුව ජීවිතක්ෂයට පත්ව ඇති අතර, ඔහුගේ මරණය සැකකටයුතු බැවින් ඒ පිළිබඳව ගැඹුරු, අපක්ෂාපාතී සහ විනිවිදභාවයෙන් යුතු විමර්ශනයක් සිදුකරන ලෙස මාධ්යවේදී ප්රජාව එරට රජයෙන් ඉල්ලා සිටී.
ඇලෙක්සැන්ඩර් ලෂ්කරාවාගේ මව විසින් ඉකුත් ඉරු දින උදෑසන ඔහු ඇඳ මත මියගොස් සිටිනු දැක ඇත. ජෝර්ජියානු විපක්ෂ මධ්යස්ථානයක් වන පිර්වේලි ටීවී මාධ්ය ආයතනයෙ හි කැමරා ශිල්පියකු වශයෙන් රැකියාවේ නිරත වූ ඇලෙක්සැන්ඩර් ඉකුත් ජූලි 05 වන දින මුහුණ පෑ අනපේක්ෂිත ප්රහාරය හමුවේ මුහුණේ අස්ථි බිඳීයාම හේතුවෙන් හදිසි සැත්කමකට බඳුන් වී ඇත.
ජෝර්ජියානු අගනුවර වන ටිබිලිසි හි පැවති එල්ජීබීටී ප්රජා අභිමානය සැමරීමේ පාගමනකට එරෙහිව සිදුකළ ප්රති-උද්ඝෝෂනයක් ආවරණය කරමින් සිටියදීයි ඔහුට මෙම ප්රහාරය එල්ල වී තිබෙන්නේ. ඇලෙක්සැන්ඩර් ඇතුලු මාධ්යවේදීන් 52 දෙනෙකුට මෙම මැර ප්රහාරය එල්ල වී ඇති බවයි විදෙස් මාධ්ය වාර්තා කරන්නේ.
සමලිංගික විරෝධී අන්තවාදීන් විසි දෙනෙකු පමණ ඇලෙක්සැන්ඩර් හට පහර දී ඇත. නමුත් මේ වනතුරු ද අත්අඩංගුවට ගෙන ඇත්තේ සැකකරුවන් පස් දෙනෙකු පමණි.
මෙම ජනමාධ්යවේදියාගේ මරණයට නිශ්චිත හේතුව තීරණය කිරීම සඳහා අභ්යන්තර කටයුතු අමාත්යංශය විසින් පරීක්ෂණයක් ආරම්භ කර තිබේ. ඉකුත් ඉරු දින දහවල් පැවති මාධ්ය හමුවකදී එම අමාත්යංශයේ මාධ්යප්රකාශකවරයකු පවසා සිටියේ නිවසේදී සිදුවූ මෙම මරණය මත්ද්රව්ය අධික ලෙස පානය කිරීම මත සිදුවූවක් බවයි.
මිය ගිය ඇලෙක්සැන්ඩර්ට ප්රතිකාර කළ සායනයේ වෛද්ය සේවාවන් ප්රමාණවත් ද යන්න පිළිබඳව සෞඛ්ය අමාත්යංශය විසින් පරීක්ෂණයක් ද ආරම්භ කර තිබේ.
කෙසේවෙතත්, මෙම මරණය පිළිබඳ ජෝර්ජියාවේ රජයේ ස්ථාවරය පිළිබඳව සෑහීමකට පත් නොවන ඇලෙක්සැන්ඩර් ගේ පවුලේ සාමාජිකයන් විසින් ඔහුගේ මරණය අධිකරණ ක්රියාමාර්ගයකට යොමුකිරීමට වෙර දරමින් සිටී. ඇලෙක්සැන්ඩර් ගේ ඥාතීන් පවසන්නේ ඔහුට නාසයේ ලේ ගැලීමක් සිදුව ඇති බවත්, ඔහුගේ තුවාල හේතුවෙන් thromboembolism නම් රොගී තත්ත්වය ඇතිවූ බවට සැකකරන බවත් ය.
එරට අග්රාමාත්යවරයා විසින් ෆේස්බුක් සටහනක් තබා ඇදහිය නොහැකි ඛේදවාචකයක් ලෙස කණගාටුව පළකර තිබේ.
මේ පිළිබඳ අදහස් දක්වමින් රිපෝටර්ස් විත්අවුට් බෝඩර්ස් නම් මාධ්ය සංවිධානයේ නැගෙනහිර යුරෝපයේ සහ මධ්යම ආසියාවේ ප්රධානී ජීන් කැවාලියර් අවධාරණය කර සිටියේ අභාවප්රාප්ත ඇලෙක්සැන්ඩර් අපකීර්තියට පත්කිරීමට උත්සාහ කරනවා වෙනුවට, අභ්යන්තර අමාත්යංශය ඔහුගේ මරණයට හේතු වූ කරුණු සෙවීමට සහ පොලීසිය ආරක්ෂා කිරීමට අපොහොසත් වූ මාධ්යවේදීන් හට එල්ල වූ මෙම මැර ප්රහාරය පිළිබඳව ගැඹුරු, අපක්ෂපාතී හා විනිවිදභාවයෙන් යුතු පරීක්ෂණයක් ආරම්භ කළ යුතු බවයි.
එමෙන්ම ඇලෙක්සැන්ඩර් ගේ මෙම මරණය ජෝර්ජියාවේ නිදහසේ විනාශකාරී සංධිස්ථානයක් සනිටුහන් කරනු ඇති බවද එම සංවිධානය පෙන්වා දුන්නේය.
මේ අතර ඊශ්රායලය හා හමාස් සංවිධානය අතර සටන් විරාමයක් ක්රියාත්මක කිරීම සම්බන්ධයෙන් පැවැත්වෙන සාකච්ඡා සඳහා…
ගෝලීය ආර්ථිකයට ඉහළම දායකයින් පස්දෙනා අතර චීනය, ජර්මනිය (2.77%), රුසියාව (2.71%) සහ බ්රසීලය (2.19%) ඇතුළත්…
මෙම ඛේදජනක අනතුර සිදුවී වසර 112කට පසුවත් ඒ වෙනුවෙන් ඇති ඉල්ලුම සුළුපටු නොවේ.
මෙම පිපිරිම හේතුවෙන් ගොඩනැගිලි හතරක් හමුදා වාහන කිහිපයකට හානි සිදුවී ඇති අතර ගම්වාසීන්ගේ නිවාස 25ක්…
පෙන්ටගනයේ නව මිලිටරි ආධාර පැකේජය හරහා යුක්රේනයේ පතරොම් නිෂ්පාදනය ආරම්භ කිරීමට සැළසුම් කරයි.
කෙසේවෙතත් තුවාලකරුවන් හෝ මරණ සම්බන්ධයෙන් මෙතෙක් වාර්තා වී නොමැති අතර ප්රහාරය පිළිබඳ පරීක්ෂණ පවත්වන බව…
තායිවාන බලධාරීන් සඳහන් කර ඇත්තේ, භූකම්පනය තායිපේ අගනුවරට ද දැනී ඇති බව සඳහන් වන අතර…
ගාසා තීරයේ ඛාන් යූනිස්, රෆා හා නුසෙයිරාට් සරණාගත කඳවුරට මෙම ප්රහාර එල්ල වී ඇත.
එල්නිනෝ කාලගුණ රටාවත් සමඟ ගංවතුර තත්වයන්ද උග්ර වී තිබේ.
අනෙකුත් රටවල අභ්යන්තර කටයුතුවලට මැදිහත් නොවීම පිළිබඳ මූලධර්මය මත පදනම්ව, බීජිං එක්සත් ජනපද මැතිවරනවලට මැදිහත්…
සටහන - නිපුනි ලියනගේ අප්රේල් 26 , ලෝකය (අවුට්බවුන්ඩ් ටුඩේ): අප්රේල් 27 වැනිදා ආරම්භ වන…
ගෙවුණු සතිය තුළ නිකුත් වූ ලෝක කාලගුණ විද්යා වාර්තාවකට අනුව 2023 දී කාලගුණය, දේශගුණය සහ…
දෙරට ඇති සම්බ්නධතා වල දියුණුව මෑත කාලින බාධා කිරීම් හෙතුවෙන් අනතුරට ලක්ව ඇති බවත්, චීනයේ…
විදෙස් මාධ්ය වැඩිදුරටත් වාර්තා කළේ, සිය මාධ්ය ආවරණය කටයුතු අතරතුර අවානි ඩයස් වීසා නීති උල්ලංඝනය…
ලබන මස 10 වන දිනට යෙදී ඇති දකුණු කැලිෆෝනියා විශ්වවිද්යාලයේ උපාධි ප්රදානෝත්සවය මෙලෙස අවලංගු කර…