ලංකාවේදී සමාජ මාධ්ය හරහා හෝ ඉන් පිටතදී ඕනෑම ආකාරයක වර්ගවාදී – ජාතිවාදී ප්රකාශයක් සිදුකර සිවිල් සමාජ ඉදිරියේ සත්ගුණවත් මැදිහත් පුත්රයන් ලෙස සුළු ජාතීන්ගේ සහ අන්යාගමිකයන්ගේ අයිතිවාසිකම් වෙනුවෙන් වැඩ කරන්නෙකු බවට පත් විය හැකිය. කිසිවෙක් ඔවුන් ව ප්රශ්න නොකරති. ප්රශ්න කළත් පලක් නැති බව දන්නා නිසා ය.
නමුත් ජපානය ලංකාව වගෙ නොවේ. කෙටි කාලයක් ඇතුළත, ජපන් ඔලිම්පික් උළෙලේ සංවිධායක මණ්ඩලයේ තුන්වැන්නාටත් ‘කළකම් පල දීම‘ හේතුවෙන් ඉවත් වන්නට සිදුව තිබේ.
ඒ ඉරණමට මුහුණ දුන්නේ ඔලිම්පික් උළෙලේ සමාරම්භක උත්සවයේ ප්රධානී කෙන්තාරෝ කොබයාෂි ය.
ඔහු යුදෙව් සංහාරය ගැන ‘කැත‘ විහිළුවක් කරන්නේ 90 දශකයේදී ය. හරියටම මෙයට වසර 23 කට පෙර ය.
කඩදාසි බෝනික්කන් යොදාගෙන විකට ශිල්පියෙකු සමග කුඩා ළමුන් පිනවීමේ අංගයක් රඟපාමින් ඔහු, ‘‘අපි හොලෝකෝස්ට් සෙල්ලම කරමු‘‘ යැයි කියා ඇත. ‘let’s play the Holocaust'”
හොලෝකෝස්ට් යනු යුදෙව් සංහාරයයි. හිට්ලර්ගේ නාසි උමතුව විසින් ලක්ෂ හයක් වූ යුදෙව්වන් සංහාරය කර දැමීම හොලෝකෝස්ට් ලෙස හඳුන්වයි.
ජපන් අගමැති යොෂිහිදේ සුගා මේ අදහස ‘‘වියරු සහ පිළිගත නොහැකි ‘‘ බව කියා ඇත.
ප්රතිඵලය වුයේ ඔහුට සමාරම්භක උත්සවයේ ප්රධානී තනතුරෙන් ගෙදර යන්නට සිදු වීමයි. අවසානයේ ඔහු නිවේදනයක් නිකුත් කර ඉල්ලා අස්වුණේය.
‘‘මට තේරෙනවා, ඒ කාලයේ මගෙ වචන තෝරාගැනීම මෝඩයි කියලා. ඒ ගැන මම දුක් වෙනවා..‘‘ යැයි කියා ඔහු ගෙදර ගියේය.
එය ‘කට වරද්දා ගැනීමක්‘ යැයි ඔහු සිතන බව පෙනේ. නමුත් එය ඇත්තෙන්ම කට වරද්දා ගැනීමක්ද, නැතිනම් හිතේ කැත කම ප්රදර්ශනය වීමක් ද කියා දන්නේ ඔහුම පමණි.
ඔලිම්පික් ප්රධානී සෙයිකෝ හෂිමොටෝ කීවේ කොබයාෂිගේ මේ කැත විහිළුව ගැන තමන් කලින් නොදැන සිටි බවයි. එසේ දැන සිටියා නම් මේ පත්වීම නොකරන බවත් ඔහු කීවේය.
කෝවිඩ්-19 වසංගතය නිසා 2020 වසරේ පැවැත්වීමට නියමිත ව තිබූ ඔලිම්පික් උළෙල, ඔහුගේ ඉල්ලා අස්වීමත් සමග තවත් කල් දමන්නට අදහසක් නැත. කෙසේ නමුත් සමාරම්භක උත්සවයේ පුහුණු වීම් නැවත නැවතත් සිදුකිරීමට දැන් සිදුව තිබේ.
2021 වසර ජපන් ඔලිම්පික් උළෙලේ සංවිධායකයන්ට අපල කාලයක් විය.
පහත දැක්වෙන්නේ මීට පෙර ඔවුන් තිදෙනෙකුට අත් වූ ඉරණමයි.
මේ සතියේ මුල ඔලිම්පික් වාද්ය වෘන්දයේ සාමාජිකයෙකු, පාසල් කාලයේදී ආබාධිත තත්වයේ සිටි සිය පන්ති සගයෙකුව බුලි කර තිබෙන බව (හිරිහැර කර ඇති බව) හෙළි විය. සිද්ධිය කරළියට ඒමෙන් පසු ඔහුට අස්වන්නට සිදු විය.
මාර්තු මාසයේ ඔලිම්පික් උළෙලේ නිර්මාණාත්මක අංශයේ ප්රධානියා වූ හිරෝෂි සසාකි, තරබාරු දේහයක් සහිත හාස්ය ශිල්පිනියක වන නයෝමි වටනබේ ට ඔලිම්පික් උළෙලට ‘ඔලිම්පිග්‘ කෙනෙකු ලෙස සහභාගි විය හැකි බව කීවේය. පසුව ඔහු සමාව ඉල්ලා සිටියේය.
ප්රහසන ශිල්පිනී නයෝමි වටනබේ
පෙබරවාරි මාසයේදී ඔලිම්පික් සංවිධායක කමිටුවේ ප්රධානියා වූ යොෂිරෝ මොරි ට එයින් ඉල්ලා අස්වීමට සිදුවූයේ ස්ත්රීන්ගේ ‘නරක හැසිරීම්‘ ගැන කළ ප්රකාශයක් නිසා ය. ගැහැණුන් කච කච ගාමින් කතා කරන අය බවත්, තමන්ගේ අධ්යක්ෂිකාවන් සමග පවත්වන රැස්වීම්වලට වැඩි වේලාවක් ගත වන බවත් ඔහු කියා තිබිණි. මේ බව හෙළිවීමෙන් පසු ඔහු ද ගෙදර ගියේය.
ජපානය, ස්ත්රීන් කෙරෙහි දක්වන දෙවන පන්තියේ සැලකිල්ලකි. එය ඔවුන්ගේ අධි සංස්කෘතික බව සමග මුසුව ඇත. රැස්වීම්වල මුලසුන හොබවන කාන්තාවන් ජපානයේදී දක්නට ලැබෙන්නේ ඉතා අඩුවෙනි. තවද ජපන් කාන්තාවන් රැස්වීමකදී කතා කරන්නේ පවා ඉතා අඩුවෙනි. ඔවුන් මේසය සරසන මල් පෝච්චි මෙන් වාඩි වී සිටින අයුරු සුලබ දසුනකි. වර්ගවාදීන්ගේ පොදු ලක්ෂණයක් වන්නේ ස්ත්රීන් වෙත ද්වේශ සහගත ලෙස සැලකීමයි. එසේත් නැතිනම් ඔවුන්ව පහත් කරමින් කොන් කිරීමයි. මෙවර ඔලිම්පික් උළෙලේ ඉල්ලා අස්වීම් කියා දෙන්නේ එහි ආනිශංසයයි.
කෙසේ නමුත් සිය රට තුළදී කෙසේ හැසිරුණත් අවම වශයෙන් ජාත්යන්තර කටයුත්තකදීවත් ප්රමිතියට අනුව හැසිරෙන්නට උත්සාහ කරන බව පෙනේ. ඒ අනුව ජපානය, ලංකාව වගෙ නොවේ. ඊට වඩා මදක් ඉස්සරහින් සිටියි.
තායිවාන බලධාරීන් සඳහන් කර ඇත්තේ, භූකම්පනය තායිපේ අගනුවරට ද දැනී ඇති බව සඳහන් වන අතර…
ගාසා තීරයේ ඛාන් යූනිස්, රෆා හා නුසෙයිරාට් සරණාගත කඳවුරට මෙම ප්රහාර එල්ල වී ඇත.
එල්නිනෝ කාලගුණ රටාවත් සමඟ ගංවතුර තත්වයන්ද උග්ර වී තිබේ.
අනෙකුත් රටවල අභ්යන්තර කටයුතුවලට මැදිහත් නොවීම පිළිබඳ මූලධර්මය මත පදනම්ව, බීජිං එක්සත් ජනපද මැතිවරනවලට මැදිහත්…
සටහන - නිපුනි ලියනගේ අප්රේල් 26 , ලෝකය (අවුට්බවුන්ඩ් ටුඩේ): අප්රේල් 27 වැනිදා ආරම්භ වන…
ගෙවුණු සතිය තුළ නිකුත් වූ ලෝක කාලගුණ විද්යා වාර්තාවකට අනුව 2023 දී කාලගුණය, දේශගුණය සහ…
දෙරට ඇති සම්බ්නධතා වල දියුණුව මෑත කාලින බාධා කිරීම් හෙතුවෙන් අනතුරට ලක්ව ඇති බවත්, චීනයේ…
විදෙස් මාධ්ය වැඩිදුරටත් වාර්තා කළේ, සිය මාධ්ය ආවරණය කටයුතු අතරතුර අවානි ඩයස් වීසා නීති උල්ලංඝනය…
ලබන මස 10 වන දිනට යෙදී ඇති දකුණු කැලිෆෝනියා විශ්වවිද්යාලයේ උපාධි ප්රදානෝත්සවය මෙලෙස අවලංගු කර…
එක්සත් ජනපදය ඇතුළු යුරෝපා බලවතුන් ප්රාණ ඇපකරුවන් නිදහස් කරමින් යුද්ධය සමතයකට පත් කරන ලෙස හමාස්…
වර්ෂාධික කාලගුණික තත්වය ගෙතුවෙන් පුද්ගලයන් 200,000 කට වැඩි පිරිසක් පීඩාවට පත්ව ඇති අතර 51,000කට නිවාස…
සෙල්සියස් අංශක 42 දක්වා, බංග්ලාදේශයේ සමහර ප්රදේශවල උෂ්ණත්වය මේ වන විට ඉහළ ගොස් තිබෙන බව…
සිය ගනනක් සිසුන්ට පන්ති තහනම් කිරීම් හා අත්අඩංගුවට ගැනීම් වලට තුඩු දී තිබේ.
අගමැති බිරිඳට එරෙහිව ව්යාපාරික ගනුදෙනු සඳහා බලපෑම් කිරීමට සිය තනතුර භාවිතා කරන බවට චෝදනා එල්ලව…
එක්සත් ජනපදයේ සම්බාධක පිළිබඳ තර්ජන හුදෙක් පාකිස්තානය අධෛර්යමත් කිරීමට හේතු වේ..