ඒ ඔස්කාර් සිනමා සම්මාන උළෙලේ මූලිකම කොන්දේසිය වන 2018.01.01 සිට 2018.12.31 යන කාල පරාසය තුළ අවම වශයෙන් ලොස් ඇන්ජලීස්හී පිහිටි එක් සිනමා ශාලාවක් තුළ මුදල් ගෙවා නැරඹීමේ පදනම මත, අවම වශයෙන් දිනකට දර්ශන වාර තුනක් (එක් දර්ශන වාරයක් ප.ව 6.00- ප.ව 10.00 අතර අනිවාර්ය වේ) සහිතව අඛණ්ඩව දින 07ක් තිරගත වූ සිනමාපටයක් වීම සහිතව සෙසු කෝන්දේසි සපුරාලීමට එකී සිනමාපට සමත්වීම නිසාවෙනි. ඒ අනුව “ගින්නෙන් උපන් සීතල” සිනමාපටය සැප්තැම්බර් මාසයේදීද , “According to Matthew” සිනමාපටය දෙසැම්බර් මාසයේදීද ඇමෙරිකාව තුළ තිරගතවිය.
එළඹෙන 2019 වර්ෂයේදී 91 වෙනි සම්මාන අදියර සමරන ඔස්කාර් සම්මාන උළෙල ඉතිහාසයේ, උළෙලේ ප්රධාන තරග කාණ්ඩයට ඇතුළත් වීමට ශ්රී ලංකාව සුදුසුකම් ලද පළමු අවස්ථාව මෙය වුවද, කුමන හෝ තරඟ ඛාණ්ඩයක් ඔස්සේ ඔස්කාර් නියෝජනය කිරීමට ශ්රී ලාංකේය සිනමාපටයක් සුදුසුකම් ලද පළමු අවස්ථාව සටහන් වන්නේ 2004 වර්ෂයේ පැවති 76 වෙනි ඔස්කාර් සම්මාන උළෙලේදීය. ඒ ලෙස්ටර් ජේම්ස් පීරිස් අධ්යක්ෂණය කළ හා චන්ද්රන් රත්නම් නිෂ්පාදනය කළ “වෑකන්ද වලව්ව” සිනමාපටය “හොඳම විදෙස් භාෂිත සිනමාපටය” (Best Foreign Language Film) නම් වූ තරඟ කාණ්ඩයේ මූලික වටයට ඇතුල් වීමට සුදුසුකම් ලැබීම තුළිනි.
එයට අමතරව චන්ද්රන් රත්නම් අධ්යක්ෂණය කළ “අලිමංකඩ” (The Road from the Elephant Pass) සිනමාපටයද 2010 වර්ෂයේ පැවති 82 වෙනි ඔස්කාර් සම්මාන උළෙලේ ” හොඳම විදෙස් භාෂිත සිනමාපටය” ඛාණ්ඩයේ මූලික වටය නියෝජනය කිරීමට සමත්විය. එනමුදු එකී අවස්ථාවන් ද්විත්වයේදීම දෙවන වටයට හෝ අවසන් නිර්දේශිත නාමයන් (Nominations) අතරට එක්වීමට ශ්රී ලාංකේය සිනමාපට සමත්නොවීය. එසේවුවද, “According to Matthew” හරහා තෙවෙනි වරටත් , චන්ද්රන් රත්නම් නිෂ්පාදනය කළ හෝ අධ්යක්ෂණය කළ සිනමාපටයක් ඔස්කාර් මූලික වටයට ඇතුළත්වීමට සුදුසුකම් ලැබ තිබීම කැපී පෙනේ.
ශ්රී ලාංකේය සිනමාපට ද්විත්වයත්, ලොව සුපතල වූ “Black Panther”, ” Avengers: Infinity War”, “Jurassic Word: Fallen Kingdom”, “Venom” , “The Nun” වැනි සිනමාපටත් ඇතුලුව සිනමාපට 347 ක් 2019 වර්ෂයේ ඔස්කාර් ප්රධාන තරඟ ඛාණ්ඩයට ඇතුලත් වීමට සුදුසුකම් ලැබ තිබීම විශේෂත්වයකි. මෙහිදී එකී සිනමාපට නැරඹීමෙන් අනතුරුව එකී සිනමාපට වෙනුවෙන් සිය ජන්දය ප්රකාශ කිරීමේ හිමිකම “Academy of Motion Picture Arts and Sciences” හී ජන්ද බලය හිමි සමාජිකයින් හට 2019.01.07 සිට 01.14 දක්වා වූ කාල පරාසය තුලදී හිමිවේ. එයින් ලැබෙන්නාවු ප්රතිඵල අනුව සම්මාන උදෙසා වූ නිර්දේශන් (Oscar Nominations) ප්රකාශයට පත්කිරීම ජනවාරි 22 දිනත්, එලෙස ප්රකාශයට පත්කරන නිර්දේශන් උදෙසා ඇකඩමි සමාජිකයින්ගේ අවසන් ජන්ද විමසීම 2019.02.12 සිට 02.19 දක්වාවූ කාල පරාසය තුලදීත් සිදුවේ. ඒ අනුව එකී අවසන් ජන්ද විමසිමේදී වැඩිම මනාපයන්ට හිමිකම් කියන පාර්ශවයන් 2019.02.24 දින පැවැත්වෙන 91 වෙනි ඔස්කාර් සම්මාන රාත්රියේදී සම්මානයට පාත්රවේ.
පෙරකී දැවැන්ත නිර්මාණයන් හා තරග වදිමින්, ඇමෙරිකානු ජාතිකයින් අති බහුතරයකින් සැදුම්ලත් ඇකඩමි සාමාජිකයින්ගේ මූලික කැමැත්ත මත ශ්රී ලාංකේය සිනමාපට ද්විත්වය හට නිර්දේශ නාමයන් අතරට එක්වීමට අවස්ථාව හිමිවුවද නොවුණද, ශ්රී ලාංකේය සිනමාපට වෙනුවෙන් අනුරුද්ධ ජයසිංහ සහ චන්ද්රන් රත්නම් මෙලෙසින් විවර කළා වූ දොරටුව ප්රශංසාජනකය. එම නිසාවෙන් ඔස්කාර් උළෙල පවතින තාක් එකී උළෙලේ ප්රධාන තරඟ ඛාණ්ඩය නියෝජනය කිරීමට සුදුසුකම් ලද පළමු ශ්රී ලාංකේය සිංහල භාෂිත සිනමාපටය ලෙසින් “ගින්නෙන් උපන් සීතල”ත්, පළමු ශ්රී ලාංකේය ඉංග්රීසි භාෂිත සිනමාපටය ලෙසින් ” According to Matthew” ත් ඉතිහාසයේ සටහන්ව පවතිනු ඇත.
උදිත ලක්මාල් කහඳවආරච්චි | Udithe Lakmal Kahandawaarachchi
පෙර ලිපි-
පෙන්ටගනයේ නව මිලිටරි ආධාර පැකේජය හරහා යුක්රේනයේ පතරොම් නිෂ්පාදනය ආරම්භ කිරීමට සැළසුම් කරයි.
කෙසේවෙතත් තුවාලකරුවන් හෝ මරණ සම්බන්ධයෙන් මෙතෙක් වාර්තා වී නොමැති අතර ප්රහාරය පිළිබඳ පරීක්ෂණ පවත්වන බව…
තායිවාන බලධාරීන් සඳහන් කර ඇත්තේ, භූකම්පනය තායිපේ අගනුවරට ද දැනී ඇති බව සඳහන් වන අතර…
ගාසා තීරයේ ඛාන් යූනිස්, රෆා හා නුසෙයිරාට් සරණාගත කඳවුරට මෙම ප්රහාර එල්ල වී ඇත.
එල්නිනෝ කාලගුණ රටාවත් සමඟ ගංවතුර තත්වයන්ද උග්ර වී තිබේ.
අනෙකුත් රටවල අභ්යන්තර කටයුතුවලට මැදිහත් නොවීම පිළිබඳ මූලධර්මය මත පදනම්ව, බීජිං එක්සත් ජනපද මැතිවරනවලට මැදිහත්…
සටහන - නිපුනි ලියනගේ අප්රේල් 26 , ලෝකය (අවුට්බවුන්ඩ් ටුඩේ): අප්රේල් 27 වැනිදා ආරම්භ වන…
ගෙවුණු සතිය තුළ නිකුත් වූ ලෝක කාලගුණ විද්යා වාර්තාවකට අනුව 2023 දී කාලගුණය, දේශගුණය සහ…
දෙරට ඇති සම්බ්නධතා වල දියුණුව මෑත කාලින බාධා කිරීම් හෙතුවෙන් අනතුරට ලක්ව ඇති බවත්, චීනයේ…
විදෙස් මාධ්ය වැඩිදුරටත් වාර්තා කළේ, සිය මාධ්ය ආවරණය කටයුතු අතරතුර අවානි ඩයස් වීසා නීති උල්ලංඝනය…
ලබන මස 10 වන දිනට යෙදී ඇති දකුණු කැලිෆෝනියා විශ්වවිද්යාලයේ උපාධි ප්රදානෝත්සවය මෙලෙස අවලංගු කර…
එක්සත් ජනපදය ඇතුළු යුරෝපා බලවතුන් ප්රාණ ඇපකරුවන් නිදහස් කරමින් යුද්ධය සමතයකට පත් කරන ලෙස හමාස්…
වර්ෂාධික කාලගුණික තත්වය ගෙතුවෙන් පුද්ගලයන් 200,000 කට වැඩි පිරිසක් පීඩාවට පත්ව ඇති අතර 51,000කට නිවාස…
සෙල්සියස් අංශක 42 දක්වා, බංග්ලාදේශයේ සමහර ප්රදේශවල උෂ්ණත්වය මේ වන විට ඉහළ ගොස් තිබෙන බව…
සිය ගනනක් සිසුන්ට පන්ති තහනම් කිරීම් හා අත්අඩංගුවට ගැනීම් වලට තුඩු දී තිබේ.