අවුරුදු බිලියන 4.565 ක් පැරණි මේ උල්කාවේ නම ‘Northwest Africa (NWA) 11119 හෙවත් ‘වයඹදිග අප්‍රිකාව 11119‘ වේ. අජටාකාශයේ සිට වයඹදිග අප්‍රිකාවේ මොරිටේනියාව වෙතට පතිත වු මේ උල්කාව හෙවත් ‘උල්කාශ්මය‘ අපේ සෞරග්‍රහ මණ්ඩලයේ උපත පිළිබඳ රහස් රැසක් දරා සිටියි.
මෙය සොයාගැනුණේ මොරිටේනියා (Mauritania) දේශයේ මහා වැලි කන්දක් (sand dune) තුළිනි. බේස්බොලයක් තරම් විශාල මෙය දළ වශයෙන් සෞරග්‍රහ මණ්ඩලය තරම්ම පැරණි ය. එනම්, විද්‍යාඥයන් විශ්වාස කරන ආකාරයට සෞරග්‍රහ මණ්ඩලය හට ගැනුණේ මෙයට වසර 4.6කට පමණ පෙර, යෝධ තාරුකාවක හෝ සුපර්නෝවාවක මහා පිපිරුමක් සමග වායු සහ දුහුවිලි වළාකුලක් ගුරුත්වාකර්ෂණය යටතේ කඩා වැටීම හේතුවෙනි. මෙම වළාකුළ හේතුවෙන් සූර්යයා කේන්ද්‍රකරගෙන භ්‍රමණය වන දුහුවිලි පීරිසයක් ඇති වූ බවට විශ්වාස කෙරේ.
එම විශ්වාසය, නොඑසේ නම් විද්‍යාත්මක කල්පිතය සනාථ කර ගැනීමට මෙම උල්කාව යොදාගත හැකි වේ යැයි ඔවුහු සිතති.
www.msn.com
‘‘මේ උල්කාශ්මය, මීට පෙර අප විසින් අධ්‍යයනය කළ සියලුම උල්කාවන්ට වඩා වෙනස්.“ ඇරිසෝනා ජනපද සරසවියේ උල්කා අධ්‍යයන මධ්‍යස්ථානයේ ඩැනියෙල් ඩන්ලැප් කියයි. ‘‘එය තමයි අපිට හමුවුණු, සිලිකා වැලි අති බහුල, පුරාණතම උල්කාව. එය ආග්නේය පාෂාණයක්‘ යැයි ද ඔහු කියයි.
ඇරිසෝනා ජනපද සරසවියේ උල්කා අධ්‍යයනය කේන්ද්‍රයේ පිහිටා තිබෙන අති නවීන විද්‍යාගාරයේ සිට ඔවුන් උත්සාහ කරන්නේ එම උල්කාවේ වයස නිවැරදිව ම හඳුනා ගන්නට ය. එ් සමගම එහි ඇති අති අසාමාන්‍ය සංයුතියට හේතු ද පැහැදිලි කර ගැනීමට ඔවුන්ට හැකි වනවා ඇත.
තිරුවානා සහ කොල පාට පළිඟු | Associated Newspapers Limited
නේචර් කමියුනිකේෂන්ස් ජර්නලයේ ඊයේ (අගෝස්තු 05) පළ වූ ලිපිය මගින් මුල්වරට හෙළිවන ආකාරයට මෙම උල්කාව ‘රසායනික‘ වශයෙන් පරිණාමය වූවකි. එනම්, සූර්යග්‍රහ මණ්ඩලයේ මුල් වසර මිලියන 10 ක කාලය තුළ, ග්‍රහලෝක භෞමික වශයෙන් හට ගැනීමට පෙර හෙවත් Planetesimal (ග්‍රහලෝකය බිහිවන අවස්ථාවේ) අවස්ථාවේදී හටගත්තකි.
එසේම නාසා ආයතනයේ ජොන්සන් අජටාකාශ මධ්‍යස්ථානයේදී සිදුකළ පර්යේෂණවල පෙරමුණ ගෙන සිටින්නේ ඉන්දීය සම්භවයක් ඇති පූර්ණා ශ්‍රීනිවාසන් ය. ඉලෙක්ට්‍රෝන අන්වීක්ෂය සහ CT ස්කෑන් පරීක්ෂණවලට උල්කාව ලක් කිරීමෙන් අනතුරුව ඇය වටහා ගත්තේ අසාමාන්‍ය – ලා කොල පාට පිටත වැස්මක් මෙම උල්කාවට ඇති බවයි. එසේම ක්වාට්ස් හෙවත් තිරිවානාවලට සමාන විශාල සිලිකා පළිඟු තිබෙන බව ද එහිදී පැහැදිලිව පෙනී ගියේය.
එසේම මෙය මේ තාක් කල් හමු වූ සෙසු උල්කාවන්ට වඩා සැහැල්ලු ය. එසේම ළා පාට ය. කොල පාට පළිඟු, කුහර මෙන්ම නිවී ගිය ලෝහ ඒ තුළ බහුල ය. මෙම පාෂාණ ව්‍යූහය මගින් ඉඟි කර සිටින්නේ එය වේගවත් සිසිල්කරණයකට ලක් වූ බවයි. එසේම අජටාකාශයෙන් පතිත වන උල්කාපාතවල නොව, පොළොව මත ඇති යමහල් වලින් පමණක් හමුවන ආග්නේය පාෂාණ සංයුතියක් ද මේ තුළින් දැකිය හැකි විය. ට්‍රිඩිමයිඩ් නමැති එම පාෂාණයේ සංයුතිය, වෙනත් කිසිදු උල්කාවක දැකිය නොහැකි තරම් ඉහළ අගයක් හෙවත් සමස්ත බරෙන් 30% ක් විය.
එදා මහා පිපිරුම සිදුවීමෙන් අනතුරුව හටගත් මහා දහන ක්‍රියාවලිය තුළ ඌෂ්මක පුපුරා යන්නා සේ ලෝහ උණුවෙමින් සිදුවූ මහා විපරිතය විසින් පෘථිවිය ඇතුළු සෞර ග්‍රහ මණ්ඩලය බිහි වූ ආකාරය පිළිබඳව මේ මව්රිටේනියා උල්කාවෙන් තවත් තොරතුරු ඉදිරියේදී ලැබීමට නියමිත ය.
ඉන්දීය මාධ්‍ය වාර්තා කළේ, පසුගිය මාස 6ක කාලය තුළ ඇය වරින් වර ඩුබායි නුවර සංචාරය…
සටහන - නිපුනි ලියනගේ මැයි 06 , ලෝකය (අවුට්බවුන්ඩ් ටුඩේ): ටයිටැනික් සහ ලෝඩ් ඔෆ් ද…
ඊශ්‍රායලය අපකීර්තියට පත් වන ආකාරයෙන් මෙහෙයුම් සිදු කරන අල් ජසීරා නාළිකාව වසා දැමීමට කැබිනට් මණ්ඩලය…
සටහන - නිපුනි ලියනගේ මැයි 06 , ලෝකය (අවුට්බවුන්ඩ් ටුඩේ): මැඩෝනා ඉකුත් සති අන්තයේ සෙනසුරාදා…
මෙම ප්‍රහාරයෙන් තවත් කිහිප දෙනෙකුට තුවාල සිදු වූ බව ඊශ්‍රායලය පවසයි.
රුසියාව යුක්‍රේන ජනපති අත්‍යවශ්‍ය අපරාධකරුවන්ගේ ලැයිස්තුවට ඇතුළත් කර, ඔහුට එරෙහිව නඩුවක් ද ගොනු කර ඇති…
සහන කණ්ඩායම් සදහන් කරන්නේ,පුද්ගලයින් 67 දෙනෙකු අතුරුදන් බවයි.
කම්කරු පක්ෂයේ ජය තහවුරු කළ ප්‍රබල අවස්ථාවක්
ඊශ්‍රායල් ප්‍රහාර වලින් පලා ගිය මිලියන 1.4කට වැඩි පලස්තීන ජාතිකයන් පිරිසක් රෆාහි ආහාර, ජලය, ඖෂධ…
ආපදා කළමනාකරණ ඒජන්සිය පවසන්නේ, ධාරානිපාත වර්ෂාව හේතුවෙන් පුද්ගලයින් 115 දෙනෙකු ප්‍රදේශයෙන් ඉවත් කර ඇති අතර…
එක්සත් ජනපදය ප්‍රමුඛ මිලිටරි සන්ධානයක් ජනවාරි මාසයේ සිට අවස්ථා ගණනාවකදී හූති ඉලක්ක වෙත ප්‍රහාර එල්ල…
විරෝධතාකරුවන් පාගමන් හා වෙනත් ක්‍රියාමාර්ග ගැන අවධානය යොමු කරමින් ආරක්ෂාව තර කිරීමට විශ්වවිද්‍යාල පාලනයන් කටයුතු…
එල් නිනෝ තත්වය ඇමේසන් හි ඓතිහාසික නියඟයක් ඇති කිරීමටත් දකුණේ දැඩි වර්ෂාපතනයක් ඇති කිරීමටත් සමත්ව…
පසුගිය සතියේ ධවල මන්දිරය කැනඩාවේ සහ එක්සත් ජනපදයේ ඝාතන කුමන්ත්‍රණවල ඉන්දියානු ඔත්තු සේවයේ වාර්තාගත භූමිකාව…
1984 මැතිවරණයේ ආසන දෙකේ ඉඳලා 2019දී 303ට ගියේ මෝඩි සහ ෂා නිසා ..